कम्युनिष्ट शासन ७० औं वर्ष पुगेको अवसरमा चीनले राजधानी बेइजिङमा शक्ति प्रदर्शन गरेको छ।
मंगलबार आयोजित कार्यक्रममा चीनले आफ्ना सैन्य तथा हातहतियारहरुको प्रदर्शन गरेको हो। यस कार्यक्रममा १५ हजार सैनिक परेडमा सहभागी भए।
चीनले आफ्ना नयाँ मिसाइल, एयरक्राफ्ट, पनि प्रदर्शन गर्यो।
चिनियाँ राष्ट्रपति सी चिनफिङले कार्यक्रममा बोल्दै आफ्नो राष्ट्रलाई शान्तिपूर्ण विकास तर्फ अघि सार्ने बताएका छन्। उनले आफ्नो देशको सार्वभौमिकतालाई सेनाले सुरक्षा गर्ने बताए।
चीनको अगाडिको यात्रालाई कुनै पनि शक्तिले रोक्न नसक्ने उनले औंल्याए। ‘चिनियाँ जनता र राष्ट्रलाई अगाडि बढ्न कुनै बलले रोक्न सक्दैन’ उनले कार्यक्रममा भने।
यसै उपलक्ष्यमा प्रधानमन्त्री केपी शर्मा ओलीले बिहानै चिनियाँ भाषामा ट्वीट गर्दै शुभकामना समेत व्यक्त गरेका छन्। सन् १९४९ अक्टबर १का दिन माओ जी डोङले गृहयुद्धमा जीत हासिल गर्दै जन गणतन्त्र चीनुको घोषणा गरेका थिए।
नयाँ चीन घोषणा भएसँगै विकासको क्रममा तिव्रता आएको हो। यस कार्यक्रमका लागि केही हप्तादेखि बेइजिङमा हवाई सुरक्षा समेत कडा गरिएको छ।
