राष्ट्रिय सभा सदस्यका लागि जेठ ६ मा हुने उपनिर्वाचनमा नेपाल मजदुर किसान पार्टी (नेमकिपा) ले पनि उम्मेदवारी दिएको छ।
पार्टीका नेता कृष्णबहादुर तामाङले आज हेटौंडास्थित निर्वाचन अधिकृत कार्यालय पुगेर मनोनयन दर्ता गरेका हुन्। उनी नेमकिपाका केन्द्रीय सदस्य छन्।
प्रस्तावक नेमकिपाका प्रदेश सांसद सुरेन्द्रराज गोसाईँ र प्रदेश सांसद सिर्जना सायँजुको समर्थनमा उनले उम्मेदवारी दिएका हुन्।
उपनिर्वाचनमा नेकपा एमालेबाट गृहमन्त्री रामबहादुर थापा बादल र नेपाली कांग्रेस, नेकपा माओवादी केन्द्रलगायत गठबन्धनबाट संघीयताविज्ञ खिमलाल देवकोटाले उम्मेदवारी दिएका छन्।
