राष्ट्रिय स्वतन्त्र पार्टी (रास्वपा)मा राजनीति कार्यदिशासहितको मस्यौदालाई अन्तिमरूप दिन गठित १७ सदस्यीय कार्यदलमा रहने सदस्यहरूको टुंगो लागेको छ।
गत सोमबार बसेको पार्टीको केन्द्रीय कार्यसमिति र संसदीय दलको संयुक्त बैठकले भदौको पहिलो हप्ता बुझाउने गरी दस्तावेज तयार पार्न १७ सदस्यीय कार्यदल बनाएको थियो।
सो कार्यदलमा पार्टीका तथा विचार विभाग प्रमुख डा. मुकुल ढकालको संयोजकत्वमा रमेश प्रसाई, कमल सुवेदी, गणेश पराजुली, विपिनकुमार आचार्य, शिशिर खनाल, क्रान्तिशिखा धिताल, कबिन्द्र बुर्लाकोटी, डा. तोसिमा कार्की, शंकर श्रेष्ठ सदस्य रहने भएका छन्।
त्यस्तै हरि ढकाल, गणेश कार्की, मनिष झा, सुमना श्रेष्ठ, डा. स्वर्णिम वाग्ले, सन्तोष परियार र सोविता गौतम पनि कार्यदलका सदस्य छन्।
१७ सदस्यीय कार्यदलले भदौ पहिलो सातासम्म दस्तावेजलाई अन्तिम रूप दिएर सभापतिलाई बुझाउने छ।
सम्बन्धित समाचारः दस्तावेज छलफलका लागि रास्वपाले बनायो १७ सदस्यीय कार्यदल
चीनको 'पिपुल्स कंग्रेस' बाट प्रेरित रास्वपाको प्रदेश परिषद्को प्रस्ताव: महामन्त्री ढकाल
नयाँ दस्तावेजबारे रास्वपाभित्र वादप्रतिवाद, के भन्छन् नेताहरू?
रास्वपा जनताबाट प्रत्यक्ष निर्वाचित प्रधानमन्त्रीको पक्षमा उभिने
