नेविसंघको असन्तुष्ट पक्षले नेपाली कांग्रेस केन्द्रीय कार्यालय सानेपामा अनशन सुरू गरेका छन्।
बुधबार अपराह्नदेखि रिले अनशन सुरू गरिएको नेता विनोद शाही ठकुरीले जानकारी दिए।
नेविसंघ केन्द्रीय समिति विधानअनुसार समावेशी बनाउनुपर्ने उनले बताए।
नेविसंघका गणेशमान शाह र रामजी बस्नेत अनशनमा बसेका हुन्।
यो पनि: नेविसंघ असन्तुष्ट पक्षले महामन्त्रीलगायत नेताहरूलाई बुझाए विधान
नेविसंघका नेता योगेन्द्र रावलका अनुसार विधानसम्मत केन्द्रीय समिति गठनको माग गर्दै अनशन गरिएको हो।
गत साउन २२ गते सभापति शेरबहादुर देउवाले दुजाङ शेर्पा अध्यक्ष रहेको नेविसंघ तदर्थ समितिमा सात सय १० जनालाई मनोनीत गरेका थिए।
यो पनि: नेविसंघ केन्द्रीय समितिमा नरहेको एलिजा ढकाल र मुकेश घिमिरेको घोषणा
नेताहरूका भागबन्डाका आधारमा तदर्थ समिति बनाइएको र उक्त समिति विधानसम्मत नभएको दाबी असन्तुष्ट पक्षको छ।
नेविसंघ केन्द्रीय समितिलाई विधानसम्मत पूर्णता दिन माग गरिएको रावलको भनाइ छ।
तस्बिरहरू:
