सरकारले संघीय निजामती सेवा र संघीय शिक्षा विधेयकलाई संसदमा पेश गर्ने निर्णय गरेको छ।
बिहीबारको मन्त्रिपरिषद बैठकले यी दुई विधेयक संघीय संसदमा पेश गर्ने निर्णय गरेको एक मन्त्रीले जानकारी दिए।
संघीय निजामती सेवाको गठन, सञ्चालन र सेवाको शर्तसम्बन्धी विधेयक २०८० लाई संघीय संसदमा पेश गर्ने निर्णय भएको हो।
यो पनि: संघीय निजामती सेवा ऐन मस्यौदाका केही व्यवस्थामा कर्मचारीहरूको असन्तुष्टि, आन्दोलन गर्ने चेतावनी
यस्तै संघीय शिक्षा ऐन सम्बन्धी विधेयक २०८० पनि संघीय संसदमा पेश गर्ने निर्णय भएको छ।
साथै मन्त्रिपरिषद बैठकले तेजाब तथा अन्य घातक रासायनिक पदार्थ नियमन नियमावली २०८० लाई स्वीकृत गर्ने निर्णय गरेको छ।
यस्तै स्वास्थ्य क्षेत्रको लैंगिक समानता तथा सामाजिक समावेशीकरण रणनीति स्वीकृत गर्ने निर्णय भएको छ।
यो पनि: संसद पुग्नुअघि नै गिजोलिएको शिक्षा विधेयक
