नेकपा (एमाले) का अध्यक्ष केपी शर्मा ओलीले गिरीबन्धुको जग्गा सट्टापट्टामा काठमाडौं महानगरपालिकाका मेयर बालेन शाहले सामाजिक सञ्जाल फेसबुकबाट केही दिनअघि गरेको टिपप्णीमाथि जबाफ दिएका छन्।
चितवनको भरतपुर विमानस्थलमा बिहीबार पत्रकारसँगको कुराकानीमा अध्यक्ष ओलीले मेयर बालेनको टिप्पणीलाई 'भैंसीको ढाडमा झिँगाले लात्ती हानेँ भनेर दंग परेजस्तै' भन्ने टिप्पणी गरेका हुन्।
‘भैंसीको ढाडमा झिँगा बस्यो कि के बस्यो, थाहा पनि पाएको हुँदैन, झिँगा दङ्ग परेको हुन्छ, चार लात हानेँ भनेर! म कसैसँग अनावश्यक ढंगको विवादमा पर्न चाहन्नँ,’ मेयर बालेनलाई लक्षित गर्दै अध्यक्ष ओलीले भने।
उनले राष्ट्रिय राजनीतिलाई परिपक्व, जिम्मेवार, सभ्य बनाउनुपर्ने बताए। ‘राष्ट्रिय राजनीतिलाई सम्भ राजनीतिमा लानुपर्छ, असभ्य राजनीतमा लानु हुँदैन,’ अध्यक्ष ओलीले भने।
मेयर बालेनले गिरीबन्धु जग्गा प्रकरणमा दस हजार करोडको बदमासी रहेको र त्यसमा अध्यक्ष ओलीको संलग्नता रहेको भन्ने स्टाटस फेसबुकमा पोस्ट गरेका थिए।
मेयर बालेनले गिरीबन्धु जग्गा सट्टापट्टा गरिदिन्छौं भनेर लिएको बैना फिर्ता गर्न पनि भनेका थिए।
‘गिरीबन्धुमा पीडितको बैना फिर्ता गर्नु होला। नत्र कोही साँच्चैको नयाँ आउला र फाइल पल्टाउला। हुन त, पहिले पनि जेल बस्नु भएको हो,’ मेयर बालेनको भनाइ थियो।
सम्बन्धित समाचार:
तीन कर्मचारी र तीन व्यापारी जसले गरे गिरीबन्धुमा मुख्य चलखेल
हदबन्दी छुटको जग्गा बैना गर्नेहरूलाई नयाँ आश्वासन बाँडिरहेको गिरीबन्धु
गिरीबन्धुको अर्बौंको जग्गा सट्टापट्टा गर्ने कानुन बनाउन गरिएको तिकडमको इतिवृत्तान्त
गिरीबन्धुले चिया खेती नगरी खाली राखेको करिब दुई अर्बको जग्गा
गिरीबन्धु टी-इस्टेटको जग्गाबारे तीन प्रधानमन्त्रीले गरेका निर्णय