पूर्वप्रधानन्यायाधीश कल्याण श्रेष्ठले प्रधानमन्त्री सुशीला कार्कीलाई निर्वाचन सम्पन्न गराएर मात्रै निस्कन अनुरोध गरेका छन्।
मंगलबार ललितपुरको कुपोन्डलस्थित निवास पुगेकी प्रधानमन्त्री कार्कीलाई पूर्व प्रधानन्यायाधीश श्रेष्ठले निर्वाचन सम्पन्न गरेर मात्रै निस्कन अनुरोध गरेका हुन्।
श्रेष्ठले आफूबारे सञ्चार माध्यमहरूमा विभिन्न कुरा लेखेको भन्दै गुनासोसमेत गरेका थिए।
‘मेराबारे अनेक कुरा लेख्छन्। मेरो नाम लेखेर तिमीहरूको काम चल्छ भने लेख न त कथा बनाउ भन्छु म। यस्ता कुराबाट बिचलित हुनु भएन। चुनाव जसरी पनि सम्पन्न गराएर मात्र निस्कनुपर्छ। मेरो साथ छ। शुभकामना छ। जनताले कुरा बुझ्छन्,’ श्रेष्ठको भनाइ उद्धृत गर्दै प्रधानमन्त्री कार्कीका प्रेस संयोजक राम रावलले सेतोपाटीसँग भने।
मंसिर १६ गते पूर्वप्रधानन्यायाधीश श्रेष्ठको बुबा कुलबहादुरको निधन भएको थियो। शोकमा रहेका श्रेष्ठलाई भेट्न प्रधानमन्त्री पुगेकी थिइन्।
-1746009348.jpg)
