राष्ट्रिय प्रजातन्त्र पार्टीको केन्द्रीय समिति बैठकले लेवी नबुझाउने नेताहरूको महाधिवेशन प्रतिनिधि स्वत: खारेज हुने निर्णय गरेको छ।
आज सकिएको केन्द्रीय समिति बैठकले अनिवार्य रूपमा नेताहरूले लेवी बुझाउनुपर्ने निर्णय गरेको छ।
‘केन्द्रीय पदाधिकारी तथा सदस्य रहेका सबैले महाधिवेशन प्रतिनिधि हुन चुनिएरै आउनुपर्ने हाम्रो वैधानिक व्यवस्था अनुसार महाधिवेशन प्रतिनिधि भएर आउन चाहनेले अनिवार्य रुपमा पार्टीले निर्धारण गरेको लेबी चुक्ता गरेको रसिद दाखिल गर्नुपर्नेछ,’ प्रवक्ता मोहन श्रेष्ठले केन्द्रीय समितिका निर्णय सार्वजनिक गर्न निकालेको विज्ञप्तिमा उल्लेख छ, ‘कसैले लेवी नबुझाएर पनि महाधिवेशन प्रतिनिधि बनेको अवस्थामा महाधिवेशन प्रतिनिधि स्वत: खारेज हुने व्यवस्था गरिएको छ।’
राप्रपाले ६ महिना कार्यकाल थप गरेको छ। यही अवधिभित्र आठौं महाधिवेशन गर्ने तयारीमा राप्रपा छ।
यो पनि: राप्रपा केन्द्रीय समितिले गर्यो १३ वटा निर्णय
-1763886130.jpeg)
-1746009348.jpg)
