नेकपा एमालेका वरिष्ठ उपाध्यक्ष ईश्वर पोखरेलले ११ औं महाधिवेशनका लागि प्रतिनिधि मनोनयनप्रति असहमति प्रकट गरेका छन्।
वरिष्ठ उपाध्यक्ष पोखरेलको सचिवालयले दिएको जानकारी अनुसार शुक्रबार मनोनित १०८ जना महाधिवेशन प्रतिनिधि अध्यक्ष ओलीको सूचीको रहेको र त्यसमा पोखरेलको असहमति रहेको छ।
‘महाधिवेशनका लागि मनोनीत १०८ जना प्रतिनिधिको विषयमा अध्यक्षका दाबेदार वरिष्ठ उपाध्यक्ष कमरेड ईश्वर पोखरेलले गम्भीर असहमति रहेको बताउनु भएको छ,’ पोखरेल पक्षको प्रचार प्रसार विभागको नेतृत्व गरिरहेका राजेश राईले भने, ‘हिजोको सचिवालय बैठकमा १०८ जना प्रतिनिधिहरू कमरेड अध्यक्ष र कमरेड वरिष्ठ उपाध्यक्ष बसेर टुंगो लगाउने सहमति भएको थियो। सोही सहमति अनुसार आज बिहान अध्यक्ष र वरिष्ठ उपाध्यक्ष बसेर टुंगो लगाउने कुराकानी भएको थियो। तर उक्त सहमति विपरित एकलौटी ढंगले सूची प्रकाशित गरिएको भनेर वरिष्ठ उपाध्यक्षले भन्नुभएको छ।’
महाधिवेशनमा अध्यक्षको दाबेदार ईश्वर पोखरेलले शुक्रबार आफ्नो समूहको तर्फबाट अलग सूची प्रस्तुत गरेको र ती दुबै नामहरूबीचमा सहमति खोज्ने निर्णय भएको उनले जानकारी दिए।
‘आज प्रकाशित सूची हिजो अध्यक्षले टेबल गर्नुभएको उहाँको सूची मात्रै हो,’ राईले भने।
-1765446142.jpg)
-1763886130.jpeg)
-1746009348.jpg)
