नेकपा एमालेले ११औं महाधिवेशनको उद्घाटन सत्रमा भदौ २४ गते संसद भवन, सिंहदरबार, सर्वोच्च अदालत लगायत सरकारी संस्थाहरूमाथि भएको आगजनी र तोडफोडको स्मरण गरेको छ।
उद्घाटन सत्रको सुरूआतपछि कार्यक्रम सुरू हुनुभन्दा ठिकअघि मञ्चमा राखिएको ठूलो स्क्रिनमा एउटा भिडिओ देखाइएको थियो।
त्यही भिडिओमा जेनजी आन्दोलन क्रममा भदौ २४ गते भएका आगजनी र तोडफोडका दृश्य देखाउँदै 'जलाइएको सिंहदरबार, जलाइएको संसद भवन बिर्सेका छैनौं, बिर्सने छैनौं' भन्दै नारा लगाइएको थियो।
त्यही भिडिओमा भदौ २३ गते नयाँबानेश्वरमा जेनजी आन्दोलनकारीमाथि गोली चलाइएको र त्यसबाट एकै दिन १९ जनाको ज्यान गएको घटना भने स्मरण गरिएको थिएन।
भक्तपुरको सल्लाघारी चउरमा एमालेको महाधिवेशन उद्घाटन जारी छ।
महाधिवेशन स्थलमा एमाले अध्यक्ष केपी शर्मा ओली लगायत विभिन्न पार्टीका नेता उपस्थित भइसकेका छन्। अन्य पाहुनाहरू पनि आउने क्रम जारी रहेको उपमहासचिव प्रदीप ज्ञवालीले सम्बोधन क्रममा जनाएका छन्।
महाधिवेशन स्थलतर्फ अहिले विभिन्न क्षेत्रबाट र्यालीहरू र झाँकी आउने क्रम पनि जारी छ। काठमाडौं उपत्यका प्रवेश गर्ने विभिन्न नाकाबाट गाडीबाट कार्यकर्ताहरू आउनेक्रम पनि जारी नै छ।
-1765613518.jpg)
-1763886130.jpeg)
-1746009348.jpg)
