नेकपा (एमाले)का अध्यक्ष केपी शर्मा ओलीले अनिर्वाचित सत्ता आफ्नो दललाई मञ्जुर नहुने बताएका छन्।
११ औं महाधिवेशन उद्घाटन समारोहलाई सम्बोधन गर्दै अध्यक्ष ओलीले जन्मजात श्रेष्ठ हुने र अनिर्वाचित सत्ता आफूहरलाई मञ्जुर नहुने बताएका हुन्।
'स्पष्ट रूपमा भन्छौं। हामी जन्मजात श्रेष्ठताका आधारमा शासन गर्ने व्यवस्था सामन्ति हो। आजको युगमा अनिर्वाचित सत्ता हामीलाई मञ्जुर छैन,' उनले भने।
उनले अहिलेको आवश्यकता राष्ट्रिय एकता रहेको पनि बताए । त्यसो भन्दा आफूहरूमाथि प्रहार हुने गरेको ओलीले बताए।
अध्यक्ष ओलीले आफ्नो दल हिंसा वा युद्धबाट समाज परिवर्तनको साधन नहुने र हुन नहुने पक्षमा रहेको पनि बताए।
'जनताको मन जितेर शान्तिपूर्ण ढंगले समाज बदल्न सकिन्छ भन्छौं,' उनले भने।
'संविधान संशोधन गर्ने अधिकार हाम्रो हो भन्छौं। हाम्रो स्वत्नत्रताको प्रयोग सदुपयोग र सुपउपयोग हामी गर्छौँ भन्छौँ। कस्तो देशले कुन बाटो रोज्ने। कस्तो राजनीतिक प्रणाली निर्णय गर्ने अधिकार हाम्रो हो भन्छौँ। कतिलाई मन पर्दैन । अनि हामी माथि प्रहार हुन्छ,' उनले थपे।
-1763886130.jpeg)
-1746009348.jpg)
