नेकपा एमाले अध्यक्ष केपी शर्मा ओलीले जनताले चुनेका प्रतिनिधिलाई घर फर्काएर संविधानले चिन्दै नचिनेको व्यक्तिलाई सरकारमा ल्याइएकोमा आपत्ति जनाएका छन्।
सबै दलको सहमतिमा प्रतिनिधिसभाबाटै नयाँ सरकार गठन गर्नुपर्नेमा बाहिरका व्यक्तिलाई सरकारमा ल्याएर संविधान मिचिएको उनले टिप्पणी गरे।
बाहिरबाटै व्यक्ति ल्याउनुपर्ने अवस्थामा पनि सबै दलको सहमतिमा प्रतिनिधिसभाबाट संविधान संशोधन गर्न सकिने विकल्प हुँदाहुँदै संसद नै विघटन गरिएको उनले बताए।
'यसरी जनताले चुनेका प्रतिनिधि घर फर्काउनु भनेको जनतालाई राजनीतिबाट बाहिर राख्नु हो,' उनले भने।
त्यही भएर नेकपा एमालेले सुरूदेखि आजसम्म निरन्तर प्रतिनिधिसभा पुनर्स्थापनाको माग राख्दै आएको र संसदबाटै नयाँ सरकार चुनेर संविधानलाई ट्रयाकमा फर्काउनुपर्ने अडान राख्दै आएको उनले बताए।
-1763886130.jpeg)
-1746009348.jpg)
