भौतिक पूर्वाधार, ऊर्जा तथा जलस्रोत र सहरी विकास मन्त्री कुलमान घिसिङले नेपालमा राजनीतिज्ञ धेरै भए पनि नेता नभएको बताएका छन्।
उज्यालो नेपाल पार्टीको गण्डकी प्रदेश भेलालाई शनिबार पोखरामा सम्बोधन गर्दै मन्त्री घिसिङले देशको परिवर्तनका लागि अघि बढ्ने नेता नभएको बताएका हुन्।
‘नेपालमा पोलिटिसियन धेरै भए, लिडर्स भएनन्,’ उनले भने, ‘पोलिटिसियन र लिडर्समा फरक छ। लिडर्सले देशको परिवर्तनको लागि अघि बढ्छ।’
देशको परिवर्तनका लागि भएका आन्दोलनहरुमा नेताको खोजी भए पनि कहिल्यै नपाएको उनले बताए। देशमा रोजगारी सिर्जना, आर्थिक रुपान्तरण, सुशासन र सामाजिक न्याय हुन नसकेकाले राजनीतिक अस्थिरता भएको उनले बताए।
अब देशलाई कस्तो दिशामा अघि बढाउने भनेर सबै गम्भीर हुनुपर्ने भन्दै उनले भ्रष्टाचारका कारण देशमा आर्थिक क्रान्ति हुन नसकेको उनले बताए। भदौ २३ र २४ गते भएको जेनजी जनआन्दोलनले २ दिनमै सरकार परिवर्तन गरेको भए पनि लामो समयदेखि आम नागरिकमा छाएको निराशा र आक्रोश एकैपटक विष्फोट भएको उनले बताए।
‘जुन निराशा र आक्रोश लामो समयदेखि थियो। वर्षौ देखिको निराशा र आक्रोश जेनजी विद्रोहमा विष्फोट भयो,’ उनले भने, ‘नेपालमा लामो समयदेखि सही व्यक्तिले काम गर्न पाएन। राम्रालाई भन्दा हाम्रालाई प्राथमिकता दिँदा राम्रा मान्छेले काम गर्न पाएनन्।’
देशमा सुशासन कायम हुन नसकेर भ्रष्टाचार बढेको भन्दै उनले त्यसैको परिणाम जेनजी आन्दोलनमा प्रकट भएको बताए। जनताले व्यवस्था परिवर्तन नखोजेको भन्दै मन्त्री घिसिङले सुशासन र देशको समृद्धि खोजेको बताए।
देशको प्रधानमन्त्री सही भयो भने मन्त्री, सचिव र तलसम्मै ठिक हुने भन्दै उनले अब राजनीतिमा उज्यालो चाहिएको बताए।
‘राजनीतिमा नआइकन परिवर्तन हुँदैन भनेर अघि बढेको छु,’ उनले भने, ‘अब उज्यालो राजनीतिमा चाहिएको छ।’
-1763886130.jpeg)
-1746009348.jpg)
