नेकपा एमालेको ११ औं महाधिवेशन उद्घाटन सत्रमा अध्यक्ष केपी शर्मा ओली पक्षले मात्रै बोल्ने अवसर पाएको भन्दै केही नेताहरूले असन्तुष्टि जनाएका छन्।
वरिष्ठ उपाध्यक्ष ईश्वर पोखरेल महाधिवेशन उद्घाटन सत्रमा बोल्न पाएनन्। उनीनिकट केही नेताहरूले अध्यक्ष पक्षले मात्रै उद्घाटन सत्रमा बोल्ने अवसर पाएको बताएका हुन्।
कार्यक्रम उपमहासचिव प्रदीप ज्ञवालीले सञ्चालन गरेका हुन्। स्वागत महासचिव शंकर पोखरेलले गरे।
‘सामान्यतया महासचिवले कार्यक्रम चलाउने र वरिष्ठ उपाध्यक्षले स्वागत गर्ने प्रचलन हो, यसपालि वरिष्ठ उपाध्यक्षलाई बोल्न दिइएन,’ ती नेताले भने।
शुक्रबार सचिवालय बैठकमा बन्द सत्र सञ्चालनबारे कुरा भए पनि उद्घाटन सत्र सञ्चालन ढाँचाबारे कुरा नभएको ती नेता बताउँछन्।
‘वरिष्ठ उपाध्यक्षलाई बन्द सत्र हलमा अवधारणा पत्र पेस गर्न र उम्मेदवारी घोषणासहित आफ्ना कुरा राख्न समय दिने कुरा सचिवालय बैठकमा भए पनि उद्घाटन सत्र सञ्चालन ढाँचाबारे खासै कुरा भएको थिएन,’ ती नेताले भने।
एमाले महाधिवेशनअन्तर्गत बन्द सत्र भोलि बिहान ७ बजे भृकुटीमण्डपमा सुरू हुनेछ।
-1763886130.jpeg)
-1746009348.jpg)
