मदन भण्डारीको ७५ औं जन्मजयन्तीका अवसरमा आयोजित विचार गोष्ठीमा चार पूर्वप्रधानमन्त्रीहरू एकै मञ्चमा देखिएका छन्।
मदन भण्डारी फाउन्डेसनले आइतबार काठमाडौंको राष्ट्रिय सभागृहमा आयोजना गरेको कार्यक्रममा नेकपा एमाले र नेपाली कम्युनिस्ट पार्टीका शीर्ष तहका नेताहरू सहभागी भएका हुन्।
एमाले अध्यक्ष केपी शर्मा ओली, नेकपा संयोजक पुष्पकमल दाहाल 'प्रचण्ड' , सह-संयोजक माधवकुमार नेपाल र वरिष्ठ नेता झलनाथ खनाल कार्यक्रममा सहभागी छन्।
यी चारै जना पूर्वप्रधानमन्त्री हुन्। पूर्वराष्ट्रपति विद्यादेवी भण्डारीसँगै चार पूर्वप्रधानमन्त्री एउटै मञ्चमा देखिएका हुन्।
यो दृश्यलाई वामपन्थी एकताको दृष्टिले चासोका साथ हेरिएको छ।
नेकपा संयोजक प्रचण्डले शुक्रबार विराटनगरमा आयोजित कार्यक्रममा एमालेसँग संसद र सडक दुवै मोर्चामा मिलेर अघि बढ्ने बताएका थिए।
तत्कालै पार्टी एकताको सम्भावना नरहे पनि सहकार्यको वातावरण बनिसकेको र यो कुरा छलफलबाट निष्कर्षमा पुगेको उनको भनाइ थियो।
आफ्नो राजनीतिक यात्रामा 'क्रमभंग' गरिरहने स्वभावलाई स्मरण गर्दै दाहालले आगामी महाधिवेशनबाट फेरि नयाँ क्रमभंग हुने उद्घोष पनि गरेका थिए।
उनले यसलाई आफ्नो जीवनको 'अन्तिम क्रमभंग' भन्दै यसका लागि कार्यकर्ताहरूलाई तयार रहन आग्रह गरेका थिए।
यो पृष्ठभूमिमा आजको कार्यक्रम र उनीहरूले दिने अभिव्यक्तिलाई चासोका साथ हेरिएको छ।
तस्बिरहरूः
-ink-1782636831.jpeg)
-ink-1782636833.jpeg)
-ink-1782636832.jpeg)
-ink-1782636832.jpeg)
-ink-1782636832.jpeg)
-ink-1782636830.jpeg)
-ink-1782636832.jpeg)
-ink-1782636832.jpeg)
-ink-1782636831.jpeg)
-ink-1782636831.jpeg)
-ink-1782636831.jpeg)
-ink-1782636831.jpeg)
-ink-1782636831.jpeg)
-ink-1782636831.jpeg)
-ink-1782636832.jpeg)
