प्रतिपक्षी दल नेपाली कम्युनिस्ट पार्टी (नेकपा)की सांसद बलावती शर्माले भारतमा सम्पन्न ब्रिक्स सम्मेलनमा नेपालको अनुपस्थितिबारे सरकारलाई प्रश्न गरेकी छन्।
प्रतिनिधि सभाको बुधबार बसेको बैठकमा सांसद शर्माले सन् २०१६ को ब्रिक्स सम्मेलनमा तत्कालीन प्रधानमन्त्री पुष्पकमल दाहाल 'प्रचण्ड' सहभागी भएको स्मरण गराउँदै दुई तिहाईको सरकार हुँदा अहिलेको अनुपस्थितिबारे प्रश्न गरेकी हुन्।
'छिमेकमै भएको ब्रिक्सको निम्तोबाट नेपाल किन चुक्यो? के यो सरकारको परराष्ट्र नीति र कूटनीतिक असफलता होइन? सन् २०१६ मा तत्कालीन प्रधानमन्त्री प्रचण्ड सहभागी भइ त्रिदेशीय साझेदारी विकास कोष विषयमा छलफल गर्नुभएको थियो,' उनले भनिन्, 'तर अहिले शक्तिशाली सरकारको उपस्थिति किन हुन सकेन?'
उनले द ग्रे जोनले सार्वजनिक गरेको भनिएको रिपोर्टको वास्तविकताबारे पनि संसदलाई जानकारी गराउन सरकारलाई आग्रह गरेकी छन्।
-1789547219.png)
-1746009348.jpg)
