नेपाली कांग्रेसका सहमहामन्त्री उदय शम्शेर राणाले चुनदेवीमा सम्पर्क कार्यालय खोलेर बसेका नेताहरूलाई केन्द्रीय कार्यालय सानेपा आउन आह्वान गरेका छन्।
आज बिहान ललितपुरमा पत्रकारहरूसँग कुराकानी गर्दै सहमहामन्त्री राणाले एकताबद्ध भएर १५ औं महाधिवेशनमा जानुपर्नेमा जोड दिए।
‘चुनदेवीमा रहेका नेताहरू अब त्यहाँ बसिराख्न जरूरी छैन, सानेपा आउनुहोस्,’ उनले भने, ‘विभिन्न समयमा ७ बुँदे र ५ बुँदे माग आएका थिए ति सबै हामीले पूरा गरिसकेका छौं, अब एकताबद्ध भएर महाधिवेशनमा जाऔं।’
निवर्तमान सभापति शेरबहादुर देउवा पक्षले चुनदेवीमा सम्पर्क कार्यालय खोलेका छन् र समानान्तर महाधिवेशन तयारी गरेका छन्।
तर चुनदेवीमा रहेका ५१ जना निवर्तमान केन्द्रीय सदस्यहरू सानेपा आउन तयार भइसकेका छन्।
कांग्रेसले असोज ३ र ४ मा वडा अधिवेशन गरी विभिन्न तहगत अधिवेशन गरेर असोज १६ देखि १९ गतेसम्म १५ औं महाधिवेशन गर्दैछ।
देउवा पक्षले असोज १५ गते वडा अधिवेशन गरी मंसिर २१ देखि २३ गतेसम्म १५ औं महाधिवेशन गर्दैछन्।
-1746009348.jpg)
