नेपाली कांग्रेसका सभापति गगन थापाले पार्टीभित्र बृहत्तर एकताका लागि आफूले पहल गरिराखेको जानकारी गराएका छन्।
आज सानेपामा बसेको केन्द्रीय कार्यसमिति बैठकमा बोल्दै सभापति थापाले एकताबद्ध भएर १५ औं महाधिवेशनमा जानुपर्ने बताए।
उनले निवर्तमान सभापति शेरबहादुर देउवासहित पूर्वपदाधिकारीहरूलाई अधिवेशनमा सहभागी हुन अपिल गरेका छन्।
निवर्तमान कार्यवाहक सभापति पूर्णबहादुर खड्का र नेता शेखर कोइरालाले राखेकामध्ये अधिकांश मागहरू पार्टीले पूरा गरिसकेको उनको भनाइ छ।
‘कतिपय साथीहरूले निवर्तमान सभापति शेरबहादुर देउवाले महाधिवेशन उद्घाटन गर्नुपर्छ भन्नुभएको छ, यो हाम्रा लागि सम्मानको विषय पनि हो, मेरो पनि अनुरोध छ, उद्घाटनमा आउनुहोस्,’ सभापति थापाले भने।
विधानअनुसार अब देउवा उम्मेदवार हुन पाउँदैनन्।
आजको केन्द्रीय समिति बैठकमा देउवानिकट नेताहरू पनि सहभागी छन्।
सभापति थापाले विधान र संविधान तथा निर्णयले बाँधिएको भन्दै अधिवेशन सार्न नसकिने बताए। वडा अधिवेशन असोज ३ र ४ गते छ भने विभिन्न तहगत अधिवेशन सकेर असोज १६ देखि १९ गतेसम्म केन्द्रीय महाधिवेशन हुनेछ।
-1746009348.jpg)
