राष्ट्रिय स्वतन्त्र पार्टी (रास्वपा) ले आफ्नो केन्द्रीय कार्यालय निर्माणका लागि काठमाडौं उपत्यकाभित्र कम्तीमा ३ रोपनी जग्गा खोजेको छ।
पार्टीले चक्रपथ (रिङरोड) मा जोडिएको वा रिङरोड नजिकै रहेको जग्गा आवश्यक परेको भन्दै इच्छुक घरधनी तथा जग्गाधनीलाई प्रस्ताव पेस गर्न आह्वान गरेको छ।
जग्गा कम्तीमा ३ रोपनी क्षेत्रफलको हुनुपर्ने, २० फिट चौडा पक्की सडकले छोएको र कुनै कानुनी विवाद नभएको हुनुपर्नेछ।
पार्टीले आफ्नो बढ्दो साङ्गठनिक आवश्यकता पूरा गर्न र दीर्घकालीन संस्थागत स्थायित्व कायम गर्न स्थायी केन्द्रीय कार्यालय बनाउन लागेको जनाएको छ।
२०८३ असोज १७ गते बसेको केन्द्रीय समिति बैठकले हालको अस्थायी व्यवस्थापनलाई हटाएर पार्टीको केन्द्रीय कार्यालय आफ्नै स्वामित्वको स्थायी संरचनामा सार्ने निर्णय गरेको थियो। सोही निर्णयअनुसार घर वा जग्गा खरिद गर्न लागिएको पार्टीले जनाएको छ।
कार्यालय सञ्चालनका लागि उपयुक्त वातावरण भएको, आवागमन सहज हुने र पर्याप्त भौतिक पूर्वाधार भएको घर वा भवन निर्माण गर्न मिल्ने जग्गा पार्टीको आवश्यकतामा रहेको छ।
पार्टीले आज सूचना निकालेर अबको २१ दिनभित्र इच्छुक घरधनी तथा जग्गाधनीलाई आफ्नो प्रस्ताव पेस गर्न आग्रह गरेको छ।
यस्तो छ प्रस्ताव आह्वान सूचना
.JPG)
