सप्तरी सदरमुकाम राजविराजको प्रारम्भिक मत परिणाम सार्वजनिक भएको छ।
वडा नम्बर १ को करिब ३ सय मत गन्दा मेयरमा राजपाका उम्मेदवारले अग्रता लिएका छन्।
राजपा उम्मेदवारको मत ७७ छ भने संघीय समाजवादी फोरमका उम्मेदवारले ७१ मत पाएका छन्।
त्यस्तै माओवादी केन्द्रका उम्मेदवारले ४५ मत पाउँदा एमाले उम्मेदवारले ४२ मत ल्याएका छन्।
नेपाल लोकतान्त्रिक फोरमले ३६ मत पाएको छ भने नेपाली कांग्रेसले १७ मत पाएको छ। मुख्य निर्वाचन अधिकृत शारदाप्रसाद कोइरालाका अनुसार उपमेयरमा भने नेकपा एमालेले अग्रता लिएको छ।
एमाले उम्मेदवारको ११८ मत आउँदा संघीय समाजवादी फोरमका उम्मेदवारले ७२ मत पाएका छन्। उपमेयरमा राजपाले ५८, माओवादीले १४ मत पाएका छन्।
राजविराज १५ का वडाअध्यक्ष उम्मेदवारको मृत्यु भएपछि सो वडामा बिहीबार मात्र मतगणना भएको थियो। राजविराजमा बिहीबार रातिदेखि नै मतगणना सुरु भएको थियो।
