वीरगन्ज महानगरपालिकामा नेपाली कांग्रेस र राष्ट्रिय जनता पार्टी (राजपा) नेपालबीच कडा टक्कर छ। पछिल्लो मतपरिणाममा कांग्रेस र राजपाबीच जम्मा ४० मतको अन्तर छ।
कांग्रेसका मेयर उम्मेदवार अजयकुमार द्विवेदीले ३९६० मत पाएका छन् भने उनका निकट प्रतिद्वन्द्वी राजपा नेपालका राजेशमान सिंहले ३९२० मत ल्याएका छन्।
संघीय समाजवादी फोरम नेपालका मेयर उम्मेदवार विजय सरावगी ३५५० मत ल्याएर तेस्रो स्थानमा छन्।
उपमेयरमा पनि नेपाली कांग्रेसकी शान्ति कार्कीले अग्रता लिएकी छन्। उनले ४६२४ मत ल्याएकी छन्। उनका निकट प्रतिद्वन्द्वी राजपा नेपालका रम्भा मिश्रले ३२२९ मत ल्याएकी छन् भने तेस्रो स्थानमा रहेकी संघीय समाजवादी फोरमकी पिंकीदेवी यादवले ३४१८ मत ल्याएकी छन्।
