कैलालीमा आजदेखि राति हिँडडुल गर्न रोक लगाइएको छ।
जिल्ला प्रशासन कार्यालयले गृह मन्त्रालयको निर्देशनअनुसार कैलालीका शहरी क्षेत्रमा राति ९ देखि बिहान ५ बजेसम्म हिँडडुल गर्न निषेध गरेको हो।
प्रशासन कार्यालयका सूचना अधिकारी शिवराज जोशीले सो समयमा अत्यावश्यक बाहेकका सम्पूर्ण आवतजावतमा रोक लगाइने बताए।
आजबाट जिल्लामा सवारीसाधन सञ्चालनमा जोर-बिजोर प्रणाली लागुसमेत गरिएको छ।
गृह मन्त्रालयले कोभिड-१९ को संक्रमण बढ्दै गएकोले रोकथाम र नियन्त्रणका लागि बुधबार विभिन्न ५ बुँदे निर्देशनसहितको सूचना जारी गरेको थियो।
कैलालीमा मात्र कोभिड-१९ का ६ सय ७० जना सक्रिय संक्रमित छन्।
