काठमाडौं महानगरपालिकाको कल सेन्टरको टोल फ्री नम्बर बन्द भएको केही समयपछि पुनः सञ्चालनमा आएको छ।
जेठ २३ गतेदेखि सञ्चालनमा ल्याइएको निःशुल्क टोल फ्री नम्बर १६६००१०५५११ नम्बरमा ब्यालेन्स सकिएको कारण केही समय बन्द भएता पनि अहिले पुनः सुरू भएको सूचना प्रविधि विभागका प्रमुख नमराज ढकालले जानकारी दिए।
केही समय अगाडि उक्त नम्बरको ब्यालेन्स सकिएका कारण बन्द भएको थियो।
‘अहिले ५५११ नम्बरमा ब्यालेन्स हालिसकेको छौं,’ उनले भने, ‘हिजो पैसा सकिएको थियो। तर अहिले पुनः सुरू भइसकेको छ।’
महानगरका दुई वटा टोल फ्री नम्बर छन्। एउटा पुरानै ११८० नम्बर हो भने अर्को १६६००१०५५११ हो।
