मकवानपुरको हेटौंडामा जमिनमुनि दबिएको गाडीको पार्टपुर्जा फेला परेको छ।
हेटौंडा उपमहानगरपालिका-१६ गैरीगाउँस्थित जमिनमुनि भासिएको १९ दिनपछि गाडीका पार्टपुर्जा फेला परेको जिल्ला प्रहरी कार्यालय मकवानपुरका डिएसपी श्यामु अर्यालले जानकारी दिए।
वैशाख १९ गते ना ४ च ४८३३ नं. को माछा बोक्ने गाडी अचानक जमिनमुनि भासिएको थियो।
तर खोजी गर्दा पनि फेला परेको थिएन।
वैशाख २३ गते र जेठ २ गते भूगर्भ शास्त्र केन्द्रीय विभाग काठमाडौंको टोलीले अनुसन्धान गरेको थियो। माटोको परीक्षण गर्दा उक्त ठाउँमा सतर्कता अपनाएर उत्खनन् गर्न मिल्ने सुझाव दिएको थियो।
उक्त सुझाव अनुसार स्थानीय जनप्रतिनिधिहरूले पनि क्रेन र स्काभेटरको सहयोगमा गाडी खोज्ने निर्णय लिएका थिए।
खोजी गर्नेक्रममा गाडीका केही पार्टपुर्जा फेला परेका हुन्।
यो पनि:
हेटौंडामा बोरिङकै कारण जमिन भासिएको भूगर्भविद्को निष्कर्ष, दबिएको गाडी ८ मिटरमुनि रहेको अनुमान
