भारतले घरेलु टोली जिम्बावेमाथि १० विकेटको सानदार जित निकालेको छ। योसँगै ३रेलु टोलीसँगको तीन एक दिवसीय खेलमा भारतले १-० को अग्रता लिएको छ ।
जितको लागि १ सय ९० रनको लक्ष्य पछ्याएको भारतले ३०.५ ओभरमा बीना कुनै विकेट क्षति पूरा गर्यो।
भारतका लागि ओपनरद्वय शुभमन गिलले ८२ र शिखर धवनले ८१ रन जोडे। अतिरिक्तबाट भारतले २९ रन जोडेको थियो।
७२ बल खेलेका गिलले १० चौका र १ छक्का प्रहार गर्दा १ सय १३ बल खेलेका धवनले ९ चौका हिर्काएका थिए।
त्यसअघि हरारे स्पोर्ट्स क्लबमा टस हारेर पहिले ब्याटिङको निम्तो पाएको जिम्बावे ४०.३ ओभरमा १ सय ८९ रनमा अल आउट भएको थियो।
उसका लागि कप्तान रेजिस चकभाले सर्वाधिक ३५ रन बनाए। यस्तै रिचर्ड नगभाले ३४ रन बनाउँदा ब्राड इभान्सले ३३ रन बनाए।
भारतका लागि दीपक चाहर, अक्षर पटेल र प्रसिद्ध कृष्णाले समान ३-३ विकेट लिए। मोहम्मद सिराजले १ विकेट हात पारे।
