एसिसी यू-१९ एसिया कपमा बंगलादेशले युएईलाई २२९ रनको लक्ष्य दिएको छ।
युएईको दुबईस्थित आइसिसी एकेडेमीको ओभल-२ मा टस हारेर पहिले ब्याटिङ गरेको बंगलादेशले ४९.३ ओभरमा सबै विकेट गुमाएर २२८ रन बनाएको हो।
बंगलादेशका लागि ओपनर अशिकर रहमन शिब्लीले सर्वाधिक ७१ रन बनाए। उनले १०२ बलमा ३ चौका र १ छक्का हाने।
अर्का ओपनर जिसन आलमले ५६ बलमा ५ चौका प्रहार गरी ४२ रन बनाए।
अरिफुल अश्लामले २२, इक्बाल हुसेनले १८ र कप्तान चौधुर रिजवान र रफी उजमानले १२/१२ रन जोडे।
बलिङमा युएईका ध्रुव परासरले ६ विकेट लिए। त्यस्तै आयान अफ्जल खानले २ तथा अम्मर बदामी र हार्दिक पाइले १/१ विकेट लिए।
