विश्वकप २०२२ र एसिया कप २०२३ को छनोट प्रतियोगिताका लागि नेपालले प्रारम्भिक टिम घोषणा गरेको छ।
प्रमुख प्रशिक्षक योहान कालिनले ३१ सदस्यीय टिम घोषणा गरेका हन्।
बन्द प्रशिक्षणमा रहेका ५ जना खेलाडी भने प्रारम्भिक टिममा पर्न असफल भएका छन्। कमल श्रेष्ठ, नितिन थापा, सेसेहाङ आङ्दम्बे, अमित तामाङ र मिक्छेन तामाङ टिममा अटाएनन्।
कमलबाहेक अन्य चार खेलाडी यु–२३ टिममा छन्। यु–२३ टिमले दक्षिण एसियाली खेलकुदका लागि तयारी गरिरहेको छ।
नेपाल छनोट प्रतियोगिताको समूह ‘बी’ मा छ।
अखिल नेपाल फुटबल संघ (एन्फा) ले भदौ १९ कुवेत र भदौ २४ गते चाइनिज ताइपेईसँग अवे खेल खेल्न तयारी गरिरहेको छ। दशरथ रंगशाला समयै निर्माण नहुँदा नेपालले होम म्याचलाई अवेको रुपमा खेल्न लागेको छ।
नेपालले अस्ट्रेलियासँगको अवे खेल क्यानबेरामा असोज २३ (अक्टोबर १०) मा खेल्नेछ। लगत्तै नेपालले असोज २८ मा अर्को अवे जोर्डनविरुद्ध खेल्नेछ।
नेपालको प्रारम्भिक टिम
विराज महर्जन, किरण चेमजोङ, विकेश कुथु, विक्रम लामा, सुजल श्रेष्ठ, नवयुग श्रेष्ठ, विशाल राई, अन्जन विष्ट, रन्जित धिमाल, सन्तोष तामाङ, विमल राना, एलन न्यौपाने, अजित भण्डारी, अभिषेक रिजाल, रवि सिलवाल, सरोज दाहाल, तेज तामाङ, सुमन अर्याल, देवेन्द्र तामाङ, रवि पासवान, अनन्त तामाङ, सुनील बल, सुवास गुरुङ, दिनेश राजवंशी, हेमन गुरुङ, विशाल श्रेष्ठ, विमल पाण्डे, त्रिदेव गुरुङ, भरत खवास, विमल घर्मीमगर र रोहित चन्द
छनोटमा नेपालको खेल तालिका
कुवेतविरुद्ध
भदौ १९ गते - अवे म्याच
मसिंर ३ गते – अवे म्याच
चाइनिज ताइपेईविरुद्ध
भदौ २४ गते – अवे म्याच
चैत १३ गते - होम म्याच
अस्ट्रेलियाविरुद्ध
असोज २३ गते – अवे म्याच
चैत १८ गते – होम म्याच
जोर्डनविरुद्ध
असोज २८ गते - अवे म्याच
जेठ २२ गते(२०७७) – होम म्याच
