अर्जुन पोखरेल एकपछि अर्को हिट गीत दिन सिपालु संगीतकार हुन्। तिम्रो आँखामा आँशु हेरी, म रोएको पल, सुन्छु तिमीले अचेल, भन्छु आजजस्ता चर्चित गीतका संगीतकार अर्जुनको पछिल्लो 'नबोली नबोली' निकै रुचाइएको गीत हो।
अहिले चर्चामा रहेका प्रवीण बेडवाल र समीक्षा अधिकारीको स्वरको यो गीतले दुई हप्तामै तीस लाख भ्यूज पाइसकेको छ।
एउटा गीत हिट भइरहेकै बेला शनिबार अर्जुनले आफ्नो चर्चित गीत 'काले केटा'को सिक्वल 'काले केटा २' सार्वजनिक गरेका छन्। दुर्गा खरेल र प्रताप दासको स्वरको यो गीत पनि केही घन्टामै युट्युब ट्रेन्डिङमा पुगेपछि अर्जुनको दुवै हातमा लड्डु भनेजस्तै भएको छ।
पल शाह, पूजा शर्मा र आकाश श्रेष्ठजस्ता नाम चलेका कलाकारको जमघटले पनि 'काले केटा २' ले दर्शक पाइरहेको छ।
