गायक निशान भट्टराईको स्वर र सुरेश अधिकारीको संगीतमा 'जोवनको फूल' गीतको भिडियो सार्वजनिक भएको छ। यही गीतका गीतकार भोला श्रेष्ठको युट्युब च्यानलबाट भिडियो सार्वजनिक भएको हो।
प्रदीप रसाइलीले निर्देशन गरेको भिडियोमा नायक दिलीप रायमाझी र पुजन घिमिरेले अभिनय गरेका छन्। ज्ञानेन्द्र शर्माले छायांकन गरेको गीतलाई अमृत चापागाईंले सम्पादन गरेका हुन्। 'जोवनको फूल हजुर जातै अप्ठेरो' भन्ने भाव बोकेको यो रोमान्टिक गीत हो। गीतको भिडियो अवधारणा पनि गीतकार भोला श्रेष्ठकै छ।
गीतको संयोजनअमूल कार्की ढलीले गरेका छन्।
