चर्चित भारतीय निर्देशक एस.एस. राजामौलीको निर्देशनमा बन्ने बहुप्रतीक्षित फिल्म 'वाराणसी' को प्रदर्शन मिति परिवर्तन भएको छ।
महेश बाबु, प्रियंका चोपडा र पृथ्वीराज सुकुमारन अभिनीत फिल्मलाई यसअघि सन् २०२७ को जनवरीका प्रदर्शन गर्ने तय गरिएको थियो। तर अब फिल्म ७ अप्रिल २०२७ मा विश्वव्यापी प्रदर्शनमा आउने घोषणा भएको छ।
फिल्ममा महेश बाबु प्रमुख पात्र रूद्रको भूमिकामा देखिनेछन्। प्रियंका मन्दाकिनीको भूमिकामा र पृथ्वीराजले कुम्भ पात्रको रूपमा खलनायकको भूमिका निर्वाह गर्ने बताइएको छ।
फिल्मको शीर्षक आधिकारिक रूपमा गत वर्ष नोभेम्बरमा हैदराबादको रामोजी फिल्म सिटीमा आयोजित भव्य ग्लोबट्रोटर कार्यक्रममा घोषणा गरिएको थियो।
'वाराणसी' एक उच्च बजेटको एक्सन-एड्भेन्चर फिल्म हो। फिल्मको बजेट १ हजार २ सय करोड भारू रहने बताइएको छ।
-1746009348.jpg)
