सहरी इलाकामा बस्नेहरुका लागि अहिले फुड डेलिभरी एप्समार्फत खाना अर्डर गरेर खानु उचित र सुरक्षित मानिन्छ। होटल रेस्टुरेन्टमा गएर नियमित खाना खाने बानी बसेका ग्राहकहरुका लागि भनेर नेपालमा विभिन्न फुड डेलिभरी एप्सहरु उपल्ब्ध छन्।
यस्ता एप्स डाउनलोड गरेर आफूले चाहेको खाना घरमै बसीबसी अर्डर गर्न सक्नु हुन्छ र यो बानीले तपाईलाई यो विषम् पेरिस्थितिमा सुरक्षित पनि हुन्छ। देशभरका होटल रेस्टुरेन्ट केही पूर्णरुपमा बन्द भएता पनि केही भने अहिले पनि सिमित कर्मचारी राखेर चलाई रहेको अवस्था छ।
पकाएको खाना मात्र नभई विभिन्न घरका लागि अत्यावश्यक बस्तुहरुको पनि प्रसस्त एप्स भेट्न सकिन्छ। जुन संघसस्था तथा पसलहरुले पास लिएर तपाईको घरमा सुरक्षित सामान डेलिभरी गर्दिन्छन्।
सुरक्षाको हिसाबले पनि अहिले बाहिर भीडभाडमा जानु उचित मानिन्न। निश्चित समयका लागि मात्र स्थानीय पसलहरु खुल्ने भएकोले त्यही समयमा एकसाथ अत्यधिक भीड भएको सर्बत्र देखिन्छ। त्यसैले यो अवस्थाबाट जोगिन आफूले चाहेको सम्पूर्ण सामाग्रीको सूची बनाएर एप्समार्फत अनलाइन अर्डर गर्नु बुद्धिमानी मानिन्छ।
एकै मूल्यमा पाइने यस्ता समान किन्न जोखिम मोल्नुभन्दा अनलाइनमार्फत अर्डर गर्दा आफू र आफ्नो परिवारलाई सुरक्षित मानिन्छ। विश्वपरिवेशसमा पनि अहिले यो ट्रेन्ड खुब चलेको छ जसले गर्दा देश,समाज,परिवारलाई योगदान पुग्ने हुन्छ। यो विषम् परिस्थितिको घडीमा संयम भएर तडकभडको दैनिकी पनि उचित मानिन्न। उचित सामान मात्र संकलन र आफू तथा आफ्नो परिवारलाई पर्याप्त समान मात्र अर्डर गर्नु रामो मानिन्छ। खाना ज्यादा अर्डर गरेर सञ्चय गरेर राख्नाले अरुलाई पनि समस्या पर्छ भन्ने सोचेर अर्डर गर्दा राम्रो र बुद्दिमानी मानिन्छ। आफूले अनलाइनबाट अर्डर गरेको पाकेको या कच्चा कुनै पनि खाना कत्तिको सुरक्षित आफ्नो घरमा आइपुगेको छ, त्यो पनि निगरानी गर्नु उचित हुन्छ।
यदी तपाईको मोबाईलमा एप्स छैन भने फोन गरेर पनि सहज रुपमा आफूले चाहेका समान तथा खाना सजिलै अर्डर गर्न सकिन्छ। अन्य समयको जस्तो सहज नभएता पनि यो लकडाउनको समयमा पनि यस्ता अनलाइन डेलिभरीकर्ता देशका मुख्यमुख्य सहरमा सकृय नै छन्। लकडाउनको समय निश्चित नहुँदा यस्तो बानी बसल्दा उचित र सुरक्षित मानिन्छ।
कतिपय अत्यावश्यक संघसस्थाहरु जस्तो कि हस्पिटल, होटल, बैँक, सुपर मार्केट, एम्बेसीहरु, मिडिया हाउस तथा मिडियाकर्मीहरु र कुनैकुनै कर्पोरेट अफिसहरु अहिले पनि चालु हुने हुँदा ती संघसंस्थाका व्यक्तिहरुले बढी मात्रामा अनलाइन फुड अर्डर गर्ने देखिएको छ। विदेशी र विदेशी संघसंस्थाहरुले पनि अनलाइनमार्फत आफूलाई आवश्यक सम्पूर्ण समान अनलाइनमार्फत मगाउने गरेका छन्। जसले गर्दा आफ्नो समयको पनि बचत र सुरक्षित पनि रहने महशुस गरेका छन्।
यदि तपाई या तपाईको परिवारका कुनै सदस्य बिमार हुनुहुन्छ र औषधी लिन जान सक्ने स्थितिमा हुनुहुन्छ भने पनि तपाईले अनलाइनमार्फत अर्डरअनुसारको या डक्टरको प्रिक्रिप्सनअनुसार औषधी या मेडिसिन किट्स घरमै डेलिभरी हुन्छ।
ती देशहरुका नागरिक मानसिक रुपमा मात्र लकडाउन बसेता पनि अहिलेको अवस्थामा भने प्राय सबै देशहरु मानसिक र शारीरिक दुबै रुपमा लकडाउन अर्थात सेल्फ क्वारनटाइमा छन् र यो अवस्थामा सबैलाई एउटै समस्या छ, त्यो हो खानाको। बिहान के खाने दिउँसो के खाने, बेलुका के खाने यी प्रायः सबैका समान समस्या हुन्। त्यसैले एप्स हेरेर मेनु सेलेक्सन गरी अनलाइनमार्फत आफूले चाहेको खाना तथा समान सहज रुपमा उत्तिकै मूल्यमा अर्डर गर्न सकिन्छ र परिवारमा सहज रुपमा दिन व्यतित गर्न सकिन्छ।
अहिलेको यो अवस्थामा झोलिलो मोलिलो, सादा, सब्जी, फलफूल, कागती, सुन्तला, अंगुर, अनार जस्ता वस्तु बढी प्रयोग गर्नु उचित छ। माछा मासु, फास्टफुड तथा सुख्खा चिजहरु कम नै खादा राम्रो मानिन्छ। पटकपटक पानी पिउनु र शरीरमा इम्युनिटी पावर घटाउने कुनै पनि खाना नखादा र अर्डर नगर्दा राम्रो हुन्छ।
मादकपदार्थ लिने बानी छ भने यो समयमा बिल्कुल नलिदा राम्रो हुन्छ। मादक पदार्थ, चुरोट, सुर्तीजन्य वस्तुले मनिसको इम्युनिटी पावर घटाउछ र रोगसँग लड्ने क्षमता कम हुन्छ। पर्याप्त मात्रमा नियमित रुपमा एकै समय सुत्ने र उठ्ने बानी बसाउनु पनि जरुरी छ किनकी पर्याप्त मात्रमा निन्द्रा नपुग्दा पनि इम्युनिटी पावरमा असर पर्छ। अहिलेको यो स्थितीमा रोग प्रतिरोध शक्ती बढाउन सकेसम्म ताजा, सफा र पटकपटक खाना खानु जरुरी मानिन्छ।
जीवन जिउने शक्ती (इम्युनिटी पावर) बढाउन विश्व स्वास्थ्य संगठनले दिएका गाइडलाइन अंगिकार गर्नु पनि त्यतिकै जरुरी छ। हाम्रो अस्वस्थ दैनिकी, गलत खानपान र अनियमित दिनचर्याका कारण इम्युन क्षमतामा प्रभाव पार्छ र यावत फ्लू र ब्याक्टेरियाले सहज आक्रमण गर्छ। अतः नियमित व्यायम, योगा, स्वस्थ खानपान, नियमित दिनचर्या गर्न सकेमा र डब्लुएचओले दिएको सम्पूर्ण सुरक्षा कबज पालन गरेमा, हामी र हाम्रो परिवार सुरक्षित हुन सक्छौँ।
(लेखक सोल्टी क्राउन प्लाजा होटलका सुसेफ हुन्।)