दाङ-२ मा नेकपा एमालेका महासचिव शंकर पोखरेलले सत्ता गठबन्धनकी उम्मेदवार रेखा शर्मासँग मतान्तर घटाउँदै साढे तीन सयमा झारेका छन्।
पछिल्लो मत परिणामअनुसार अग्रस्थानमा रहेको माओवादी केन्द्रकी उम्मेदवार रेखा शर्माले २३ हजार १ सय ८१ मत ल्याएकी छन् भने दोस्रो स्थानमा रहेका पोखरेलले २२ हजार ८ सय २९ मत ल्याएका छन्।
जारी मतगणनामा दुई जनाबीचको मतान्तर जम्मा ३ सय ५२ छ। यहाँ सुरूदेखि नै रेखा शर्मा अग्रस्थानमा रहँदै आएकी छन्।
यहाँ १ लाख ३३ हजार ७ सय ४८ मतदाता मध्ये ७९ हजार ४४६ मत खसेको थियो। अब ११ हजार ९ सय ७५ मत गणना हुन बाँकी छ।
