सम्पादकीय नोट: हामीले केटाकेटीहरूका लेख शृंखला सुरू गरेका छौं। आफ्ना नानीबाबुले नेपाली भाषामा लेखेका अनुभव, कथा, कविता, निबन्ध लगायत सिर्जनात्मक रचना तल दिइएको इमेल ठेगानामा पठाउनुहोस्, हामी प्रकाशित गर्नेछौं।
...
कविता:
बगैंचामा फुलेका छन् कति राम्रा फूल
फूल टिपेर कहिल्यै पनि गर्नु हुन्न भुल
बगैंचामा रंगीचंगी फूल कति राम्रो
त्यहाँ हेर्दा मन कति चंगा हुन्छ हाम्रो
पुतली त फुर्रफुर्र परी फूलमाथि बस्दा
मलाई पनि उड्न मन लाग्यो नि त हेर्दा
लालुपाते गोदावरी मखमली फुल्दा
सूर्यतिर सुर्यमुखी फर्किएर झुल्दा
बगैंचाको रेखदेख गर्नुपर्छ फेरी
कहिले दिनु मलजल गोडमेल गरी
वरपर वातावरण स्वच्छ बनाउँछ
ताजा हावा चल्दाखेरी मनै रमाउँछ
सानैदेखि राम्रो काम गर्नुपर्छ हेर
महत्व छ समयको फाल्नु हुन्न खेर
बगैंचाको फूल जस्तो फुल्नु पर्छ हामी
उड्न पाउँ पुतलीझै सबै सानानानी।
(प्रत्युषा बस्नेत युरो स्कुलमा कक्षा पाँचमा अध्यनरत छिन्।)
लेख पठाउने इमेल: (नेपालीमा लेखिएका लेख मात्र प्रकाशन हुनेछन्)
ketaketi.setopati@gmail.com
-1746009348.jpg)
