अब सबै बैंकहरुले आफ्ना एटिएम (अटोमेटेड टेलर मेसिन)मा नेपाली भाषाको प्रयोग गर्नुपर्ने भएको छ।
नेपाल राष्ट्र बैंक भुक्तानी प्रणाली विभागले बैंकहरुलाई ३० दिनभित्र सम्पूर्ण एटिएममा नेपाली भाषाको प्रयोग गर्न निर्देशन दिएको छ। एटिएम प्रयोग गर्दा नेपाली भाषा नभएकाले असहजता भएको गुनासो आएको भन्दै राष्ट्र बैंकले यस्तो निर्देशन दिएको हो।
उक्त अवधिभित्रमा नेपाली भाषाको प्रयोग गरी कारोवार गर्न सकिने व्यवस्था मिलाएको नपाईएमा भुक्तानी तथा फस्र्यौट ऐन, २०७५ को दफा ३७ उपदफा (२) बमोजिम कारवाही हुने राष्ट्र बैंकले जनाएको छ।
हाल केही बैंकहरुले आफ्ना एटिएममा अंग्रेजी र नेपालीमध्ये एउटा भाषा छनौट गर्न सकिने व्यवस्था मिलाएका छन्। तर तर कतिपय बैंकको एटिएममा भने अंग्रेजी भाषाको मात्रै प्रयोग हुने गरेको छ।
-1746009348.jpg)
