मर्जरमा जान थालेका बीमा कम्पनीहरूले कर्मचारी समायोजन गर्दा हालको पद र श्रेणी नघट्ने गरि समायोजन गर्नुपर्ने निर्देशन बीमा समितिले दिएको छ।
असार २० मा परिपत्र जारी गर्दै बीमा समितिले यस्तो निर्देशन दिएको हो। समितिले मर्जरपछी बन्ने कम्पनीले समायोजित हुने कर्मचारीहरूलाई खाइपाइ आएको तलब,भत्ता र सुविधा समेत घटाउन नपाउने व्यवस्था गरिदिएको छ।
कर्मचारी समायोजनको क्रममा निरन्तरता दिन नचहाने कर्मचारीहरूलाई उपयुक्त सुविधा सहितको स्वेच्छिक अवकाशको योजना ल्याएर बाहिरीने बाटो दिनुपर्ने निर्देशन समेत समितिले दिएको छ।
