नेपाल सरकारकले आजदेखि देशभर आवतजावत तथा हिँड्डुलमा रोक लगाएको छ। आज बिहान ६ बजेदेखि लागेको यस्तो रोकबाट आन्तरिक हवाई उडान पनि सात दिनका लागि बन्द भएको छ।
यो बीचमा टिकट बुक गरेकाहरूले रकम पूरै फिर्ता पाउने छन्।
एयरलाइन्सहरूले सरकारको निर्णयलाई स्वागत गर्दै टिकट बुक गरेकाहरूले आफूले टिकट बुक गरेको ट्राभल एजेन्सी अथवा अनलाइन टिकट बुक गरेकाले एयरलाइन्समै सम्पर्क गरेर रकम फिर्ता पाउने जानकारी गराएका छन्।
बुद्ध एयरले टिकट बुक गरेको एजेन्सी वा आफ्नो फोन नम्बर ०१५५४२४९४ मा फोन गर्न आग्रह गरेको छ।
श्री एयरलाइन्सले पनि आजदेखि सात दिनका लागि काटिएका सबै उडान रद्द भएको र यसमा बुक भएको टिकट रकम फिर्ता हुने जानकारी दिएको छ।
उसले एयरलाइन्स वा एजेन्सीमाम सम्पर्क गर्न आग्रह गरेको छ।
यती एयरलाइन्सले पनि टिकट रद्द र रकम फिर्ताका लागि सम्पर्क गर्न आग्रह गरेको छ।
