रिद्धि सिद्धि सिमेन्टले नयाँ वर्षसँगै नयाँ योजना ल्याएको छ।
निर्माण कार्य गर्नुअघि ग्राहकलाई सिमेन्टको प्रयोग पूर्व वैज्ञानिक तवरले भौतिक परीक्षण गरी विश्वस्त बनाउने उद्देश्यले यो योजना ल्याइएको हो।
जुनसुकै योजना शिलान्यास गर्न चाहने ग्राहकलाई पूजा सामग्री सेट प्रदान गर्ने रिद्धि सिद्धि सिमेन्टले जनाएको छ।
उक्त पूजा सेटमा तामाको कलश ५ थान, चाँदीको कछुवा १ थान, चाँदीको नाग र नागिन १ जोडी, चाँदीको सिक्का १० ग्राम १ थान, हात्तीको प्रतिमा १ थान, जौ, तील, कुश १ प्याकेट, पञ्चरत्न धातु १ थान, सलाई १ थान, बाटेको धुप १ प्याकेट र कपुर १ थान रहने छ।
योजनाको लाभ उठाउन ग्राहकले कम्पनीको निःशुल्क टोल फ्री नम्बर १६६००११२४४४ (नेपाल टेलिकम)÷९८०१५७२११२ (एनसेल) मा सम्पर्क गर्न सक्ने बताइएकाे छ।
कम्पनीको आधिकारिक फेसबुक पेजको विज्ञापन क्लिक गरी वा पत्रिकामा प्रकाशित विज्ञापनमा रहेको क्युआर कोड स्क्यान गरेर रिद्धी सिद्धी सिमेन्टको वेबसाइटमा गएर फारम भर्नुपर्नेछ।
यो योजना हाल एक हजार उपभोक्तालाई मात्र लागू हुने कम्पनीले जनाएको छ। यसका लागि न्यूनतम एक सय बोरा सिमेन्ट किन्नुपर्ने शर्त कम्पनीले राखेको छ।
