रियल ड्रिम्स एजुकेसन एण्ड माइग्रेसनले नेपाल राष्ट्रिय क्रिकेट टोलीका खेलाडी आसिफ शेखलाई आफ्नो नयाँ ब्रान्ड एम्बासडरका रूपमा औपचारिक रूपमा नियुक्त गरेको छ।
काठमाडौंमा आयोजित सम्झौता हस्ताक्षर समारोहमार्फत् यस सहकार्यको घोषणा गरिएको हो।
यस कार्यक्रमलाई संस्थाका लागि विद्यार्थीहरूलाई अन्तर्राष्ट्रिय शिक्षा र विश्वव्यापी करिअर अवसरतर्फ प्रेरित गर्ने महत्वपूर्ण उपलब्धिका रूपमा लिइएको छ।
कार्यक्रमको औपचारिक सुरुवात रियल ड्रिम्स एजुकेसन एण्ड माइग्रेसनको काठमाडौं शाखाकी शाखा प्रबन्धक दिव्या महर्जनले गरिन्।
नवनियुक्त ब्रान्ड एम्बासडर आसिफ शेखले रियल ड्रिम्स एजुकेसन एण्ड माइग्रेसन परिवारको हिस्सा बन्न पाउँदा खुशी र गर्व लागेको बताए।
उनले शिक्षा र खेल दुवै क्षेत्रमा अनुशासन, निरन्तर प्रयास र सही मार्गदर्शन अत्यन्त आवश्यक हुने उल्लेख गर्दै विद्यार्थीहरूलाई आफ्नो क्षमता माथि विश्वास गर्न र अन्तर्राष्ट्रिय अवसरतर्फ अगाडि बढ्न प्रेरित गर्ने प्रतिबद्धता जनाए।
समारोहमा यर्क सेन्ट जोन युनिभर्सिटी (वाइएसजियु), बेलायतका लागि नेपाल कन्ट्री को-अर्डिनेटर सुनिल तुलाधर, द स्किल फर नेपालका वरिष्ठ प्रशिक्षक अमर सिंह तथा युनिभर्सिटी अफ वुस्टर, बेलायतका एडमिसन एण्ड स्टुडेन्ट सपोर्ट अफिसर रोशन भट्टलगायत विशिष्ट व्यक्तित्वहरूको उपस्थिति रहेको थियो।
अन्य थुप्रै प्रतिष्ठित व्यक्तिहरूको सहभागिताले कार्यक्रमलाई थप सफल र अर्थपूर्ण बनाएको आयोजकले जनाएका छन्।
सम्झौता हस्ताक्षर समारोह शिक्षा र प्रेरणाबीचको सहकार्यको प्रतीक बनेको बताइएको छ।
आसिफ शेखलाई ब्रान्ड एम्बासडरका रूपमा नियुक्त गरेसँगै रियल ड्रिम्स एजुकेसन एण्ड माइग्रेसनले नेपाली विद्यार्थीहरूलाई आफ्नो क्षमता पहिचान गर्न, आत्मविश्वासका साथ अन्तर्राष्ट्रिय अध्ययन तथा करिअर यात्रामा अघि बढ्न थप प्रेरणा दिने अपेक्षा गरेको छ।
-1746009348.jpg)
