मुहानदेखि सुरू हुन्छ कुराको चुहान यस्तै हो
एक कान दुई कान हुँदै पुग्छ मैदान यस्तै हो
आ-आफूलाई लागेको मात्र सत्य ठानी दिँदा
तथ्य छिप्छ, हल्लैले हुन्छ बदनाम यस्तै हो
एकोहोरो तानिमात्र रहे चुँडिन्छ रवर पनि
छोड्यो-कस्यो,कस्यो-छोड्यो लगाम यस्तै हो
मुख्य कुरो मन र मुटु सन्तुलनमा चल्नुपर्यो
बाहिर देखिने घाउ-खत र नीलडाम यस्तै हो
लाइन लाग्नेले कहिल्यै तक्मा भिर्न पाएनन्
लाम लगाउनेकै पछि लाग्छ सलाम यस्तै हो ।
प्रकाशित मिति: मंगलबार, जेठ १४, २०७६, ०१:२५:००
.jpg)
