यसो गरौं
आन्दोलन गरौं
सडक आन्दोलन गरौं
क्याबिनेट लाई दवाब दिऊँ
आँधीबेहेरी सृजना गरौं
ता कि सरकार बाध्य होस् कि
रवात लाई चिठी लेखोस्,
अझ असंलग्न राष्ट्रहरूको समेत अध्यक्षता गरेर भनोस्
तिम्रो प्राग ऐतिहासिक काइरन युनिभर्सिटीहरू
तु बन्द गर
काइरन विश्वविद्यालयहरूले बाँडेका डिग्रीहरू
मानता विरोधी छन्।
जस्तो
हामी प्रधानमन्त्री हौं, कम्युनिष्ट पार्टीका अध्यक्षहरू हौं
अझै महान विद्यार्थी नेता हौं, सडक बाघ हौं
उमेर पौने ५० वर्ष मात्रका युवा विद्यार्थी नेता हौं
नागरिक अगुवा हौं,
सगरमाथा बुद्ध एवं भिखारी देशका
उत्पातै ऐतिहासिक राष्ट्रवादी हौं
र हाम्रो निष्कर्ष यो छ कि
विद्यालय, विश्व विद्यालयमा
पढ्नु, ज्ञान, आर्जन गर्नु गलत छ
हाम्रा मौलिक सुतुरमुर्गीय
दृष्टान्तहरू छन्,
जस्तो कि
के हात्ती पढेर ठूलो भएको हो र!
हामी भन्छौं के बुद्ध डिग्री पास हुन र!
के हाम्रा ऋषिमुनिहरूले डिग्री गरेका हुन र!
हाम्रो ठम्याइ छ नलन्दा र तक्षशिला विश्व विद्यालय ऐतिहासिक भूल हुन्,
गुरु पद्म सम्भव र फकिर रिंझाइहरू एक फगत गमारहरू हुन्।
हामीले यो सप्रमाण भन्दै छौं,
जस्तो डाक्टर बाबुरामको डिग्री
पृथ्वीका लागी अनिष्ट सावित गरिसक्यौं, र
एनेक्समा लेख्यौ कि !
मात्र विद्या भनेको निदुली बुढीको ज्योतिष शास्त्र हो!!
यो नुतन दर्शन हो,
त्यसैले हामी यो लकाडाउन सँगै सबै
पाठशाला र विश्वविद्यालयमा बन्द गर्दै छौँ,
र पो पादरी, भक्तहरूको खाप्चाहरू तयार गरेका छौं।
निदुली दर्शनको गुरुकुलहरू चलाउँछौं,
र एमसिसी भिखको बल्छि आग्लो निकाल्छौं
नुतन र ऐतिहासिक राष्ट्रवादलाई कछाड लगाउँछौं
तर
कृपया बन्द गरिदेऊ न तिम्रो
प्रागितिहासिक काइरन युनिभर्सिटी
जो मोरक्को को रवातमा ठिङ्ग उभिएको छ
र फगत जन्माउँछ तमाम डिग्री धारी खोप्लाङ्गे
डाक्टर बाबुरामहरू र
चुनौती मात्र दिन्छ अदभूत जोक र अपराध शास्त्रलाई, बरु मोरक्केली कमरेडहरू
आउनुस्
छँदै छ नि
यस महान् भारत वर्षमा जन्मेको नुतन
यस युगकै महान् निदुली शास्त्र
अस्तु।।।
