नास्तिक तिम्रा विचार अनि
विमर्शका पाटामा,
म एउटा आस्तिक साधु
माैनताकाे खम्बा बनी उभिएकाे छु ,
अभाव भित्रकाे भावलाई निचोर्न।
सत्वकाे अभावमा तम,
मार्गकाे अभावमा मसानघाट,
साथै भावभित्रका अभावमात्रै ,
राेज्ने तिम्रा पाइलाहरू,
शून्यताकाे परिधिमा अटाएर
लुप्त भइरहेका छन् ।
अनि अझै तिमी आफू
महान् छु भन्ने साेच्छाै।
भ्रमबाट मुक्त हाेऊ अनि आऊ
हाम्राे सनातन अस्तित्वमा,
नभए तिमीमा कहिल्यै निकाे नहुने
दुषित हावाकाे भूमरी बन्छ
अनि त्याे घाउ बनेर
पिल्सिएर बस्छ शरीरमा,
युगाैं युग एउटा नरककाे यातनामा
बिताउनु पर्छ आफ्नाे जीवन,
त्यसैले तिम्रा चिनारीहरूलाई
बुझ्न पत्थर मनलाई
काेमल बनाएर
वेद, उपनिषद्काे ज्ञान दिन
गुरुकाे रूपमा उपस्थित छु,
केवल तिमी हुन्छ मात्रै भन,
तिमी भित्रकाे अहम् मा
लुटपुटिएका आस्तिक भावहरू
जहाँ
अमृत पिलाएर विष निकालिदिन्छु,
अनि स्वच्छ नदी झैं बगेर
ज्ञानकाे सागरमा डुबुल्की मार्नु,
जहाँ सत्यताका अनगिन्ती कथाहरू
तिमी जस्तै व्यक्तिकाे पर्खाइमा बसेका हुन्छन्।
हेर सृष्टि र जगत् का विश्लेषकहरूलाई
साेच हृदय स्पर्शी मनलाई, अनि
साेध आफूमा भएकाे अभावत्वलाई ?
फैलाएकाे हुन सक्छ कसैले
जड वस्तुमा चेतना देखेर
सबै पूर्ण छन् भन्ने भ्रम,
त्यसैले ‘आऊ तिमी र हामी
सहकार्य गरी अघि बढौं ,
याे अनन्त काेटी संसारमा।’
-1746009348.jpg)
