हाम्रो यो घर समाज,
गर्छ धुपौरेहरूलाई नै सलाम!
देश,अफिस,समाज,
जहाँ नि भेटिन्छन्
तिनीहरुकै रजाईमा,
चल्छ यो देश र समाज।
दिनको सुरुवातदेखि नै,
चाकरीमा पुगिहाल्छन,
नयाँ नयाँ धूप नहालि
पच्दैन तिनीहरुको खाएको तमाम्।
आफूले खासै केही नगरि,
अरुको मात्र गर्नुछ काम बदनाम।
नेता, हाकिम सबैका
शुभचिन्तक र त्यो कोर ग्रुप,
जे भनेनी ती शक्तिका उपासक।
जसको हुन्छ राज त्यहाँ,
त्यसैकै हुन ति पुत अहो राजपुत!
हाम्रा यी धुपौरेहरुले नै,
चलाएका छन् आजको देशको राजनीति।
फलाना दाइले तिम्रो कुरा काटेको छ है,
अहिले नै रोकेन भने,तिम्रो सत्ता साप,
यस्तै कुराले जलाई रहन्छ भित्री आग।
धन्य हो नेपाल आमा!
यस्ता सुपुत् पनि जन्मदा रहेछन्।
किन पढ्नुपर्यो,
किन सु-संस्कृत बन्नुपर्यो,
झुटको खेती गरी,धुपबत्ती जलाउँदै।
आफ्नो दुनो सोज्याउँदै, केहीलाई कजाउँदै अरूलाई थर्काउँदै।
हुन त परापूर्वकालदेखि नै,
धुपौरे पात्रहरुले नै गरिरहेछ्न् रजाइँ,
कैकेइ,सकुनी,जैचन जस्ता,
खलपात्रले नै रचेका थिए इतिहास।
यी व्यक्ति हाबी होइनन्,यिनको मनोवृत्ति हो,
ईच्छा,आंकाक्षा,लोभले जन्माएका,
अर्काको निन्दामा नै रमाएका।
चिनौं है! हाम्रा यी धुपौरेहरुलाई,
नत्र धमिरो झै सबै सक्ने छन्,
हाम्रो यो घर,देश र समाज।
कहिले लाग्ला हाम्रो घैंटोमा घाम?
कहिले मिली गर्ने होला धुपौरेहरुको काम तमाम!
-1742801159.jpg)
