गगन र बालेनका कारण मधेसमा कांग्रेस र रास्वपालाई कति पुग्छ फाइदा? (भिडिओ)

सीके लाल

काठमाडौं, माघ २३

राष्ट्रिय स्वतन्त्र पार्टी (रास्वपा) ले फागुन २१ मा हुने प्रतिनिधिसभा निर्वाचनलाई लक्ष्य गरेर मधेस प्रदेशको राजधानी जनकपुरबाट आफ्नो चुनावी अभियान सुरू गर्‍यो। रास्वपाबाट भावी प्रधानमन्त्री घोषित बालेन शाहको पहिलो राजनीतिक सम्बोधन नै यही कार्यक्रम बन्न पुग्यो।

झापा-५ का उम्मेदवार बालेनले आफ्नो संसदीय राजनीतिको सुरूआत मधेसको राजधानीबाट मात्र गरेनन्, उनले मैथिली भाषामा भाषण दिएर मधेससँग अपनत्व पनि जाहेर गरे।

त्यस्तै, नेपाली कांग्रेसका सभापति गगन थापा आफूले सधैं जित्दै आएको काठमाडौं-४ छाडेर सर्लाही-४ बाट चुनाव उठ्न गएका छन्। कांग्रेसबाट भावी प्रधानमन्त्री घोषित थापा संघीय राजधानी छाडेर मधेसको जनप्रतिनिधि बन्न आउनुलाई देशको पुरानो राजनीतिक पार्टीले मधेसमा आफ्नो प्रभाव बढाउन खोजेको रूपमा हेरिएको छ।

यी घटनाले मधेसको चुनावी माहोलमा कस्तो असर पारेका छन्? त्यहाँका नागरिकहरू प्रमुख दलहरूले मधेसलाई दिएको महत्त्वबारे के भनिरहेका छन्? गगन थापाले सर्लाही–४ बाट चुनाव उठ्दा उनलाई कति चुनौती छ र समग्र मधेसमा कांग्रेसलाई यसले के असर गर्छ?

अर्कातिर काठमाडौंमा हुर्केबढेका मधेसी युवा बालेन शाहलाई भावी प्रधानमन्त्रीका रूपमा अघि सार्नुले रास्वपालाई मधेसमा स्थापित हुन कत्तिको सहयोग पुग्ला?