लोक सेवा आयोगले स्थानीय तहका लागि निकालेको विज्ञापन समावेशी नभएको भन्दै ‘आरक्षण बचाऔं आन्दोलन’ गरिराखेका प्रदर्शनकारीमाथि प्रहरीले लाठीचार्ज गरेको छ।
काठमाडौंको भृकुटीमण्डपबाट सुरू भएको प्रदर्शन पुतलीसडकमा पुगेपछि शनिबार प्रहरीले हस्तक्षेप गरेको थियो।
लाठी जुलुस गरिराखेका प्रदर्शनकारी र प्रहरीबीच झडप हुँदा नेपाल आदिवासी जनजाति महासंघका अध्यक्ष जगत बराम लगायत घाइते भएका छन्। केही प्रदर्शनकारीलाई प्रहरीले नियन्त्रणमा लिएको छ।
लोक सेवाले निकालेको विज्ञापनअनुसार परीक्षासमेत भइसकेको छ। तर उक्त विज्ञापन संविधानको भावनाविपरीत निकालिएको भन्दै आदिवासी जनजाति लगायतले रद्द गर्न माग गर्दै चरणबद्ध आन्दोलन गर्दै आइरहेका छन्।