दोलखाका वीरध्वज खड्काको ज्यान मार्ने कोशिस गरेको अभियोग लागेका नेपाल कम्युनिष्ट पार्टीका सांसद पार्वत गुरुङ साधारण तारेखमा रिहा भएका छन्।
आइतबार काठमाडौं जिल्ला अदालतका न्यायाधीश पूर्णेश्वर प्रसाद उपाध्यायको इजलासले उनलाई साधारण तारेखमा छोड्ने आदेश गरेको हो।
उनको बयानपछि जिल्ला अदालतले साधारण तारेखमा छाडेको काठमाडौंका स्रेष्तेदार आनन्द श्रेष्ठले बताए।
२०४६ जेठमा काठमाडौंको चाबहिलमा खड्कालाई गुरूङसहितको समूहले आक्रमण गरेको भन्दै सरकारी वकिल कार्यालयले गएको वैशाखमा उनीविरूद्ध मुद्दा दायर गरेको थियो।
प्रहरीले गुरूङ फरार रहेकाले अदालतबाटै पक्राउ पूर्जी ल्याउन माग गरेको थियो।
अदालतले जारी गरेको उपस्थित हुन आउने म्याद सहितको पक्राउ पूर्जी असोज ८ गते सांसद गुरूङले बुझेका थिए।
