नेपाल बार एसोसिएसनका पूर्वअध्यक्ष गोपालकृष्ण घिमिरेले सफाइ पाएका छन्।
घिमिरेविरूद्ध अदालतको अवहेलनासम्बन्धी मुद्दा थियो। सो मुद्दामा आज उनले सफाइ पाएका हुन्।
सर्वोच्च अदालतका न्यायाधीशहरू सारंगा सुवेदी र शान्ति सिंह थापाको इजलासले घिमिरेमाथि लागेका अभियोग स्थापित हुन नसक्ने भन्दै सफाइ दिएको हो।
आफूले सफाइ पाएको घिमिरेले जानकारी दिए।
सर्वोच्च प्रशासनले घिमिरेविरूद्ध अदालतको अवहेलनामा २०८१ असोजमा मुद्दा हालेको थियो।
नेपाल बारका अध्यक्ष घिमिरेले न्यायाधीश नियुक्तिका विषयलाई लिएर प्रधानन्यायाधीश तथा अदालतको जनआस्थामा असर पुग्ने गरी सार्वजनिक टिप्पणी गरेको भन्दै उपरजिष्ट्रार गोविन्द घिमिरेले उनलाई अवहेलनामा कारबाही गर्नुपर्ने प्रतिवेदन तयार पारेका थिए।
तत्कालीन प्रधानन्यायाधीश विश्वम्भर श्रेष्ठ सम्मिलित परिषदले सर्वोच्चमा २ न्यायाधीशमात्र सिफारिस गरेको विरोध गर्दै घिमिरेले एक कार्यक्रममा भाषण गरेका थिए।
-1746009348.jpg)
