नेकपा (एमाले)का अध्यक्ष केपी शर्मा ओलीले भदौ २३ र २४ गतेको घटनाबारे छानबिन गर्न बनेको जाँचबुझ आयोगमा बयान दिन जाने वा नजाने भन्ने कुरा आफ्नो व्यक्तिगत विषय रहेको बताएका छन्।
बिहीबार अन्तरक्रिया कार्यक्रममा सम्पादकहरूले गरेको प्रश्नमा जबाफ दिँदै ओलीले आयोगमा बयान दिन जाने कि नजाने भने विषय आफ्नो व्यक्तिगत रहेको बताएका हुन्।
बुधबार एमालेकै वरिष्ठ उपाध्यक्ष ईश्वर पोखरेलले ओली बयान दिन जानुपर्ने र चाँडै नै जाने बताएका थिए।
त्यसबारेमा सम्पादकहरूले प्रश्न गरेका थिए।
'बयान दिने जाने नजाने मेरो कुरा होला नि। के कानुनी व्यवस्था छ त्यस सम्बन्धमा मैले पनि हेरेको हुँला नी। त्यसबापत कुनै सजाय भोग्नुपर्छ केही गर्नुपर्छ भने मैले गर्छु होला नी,' उनले भने।
वरिष्ठ उपाध्यक्ष सहित उनको गुटको चाहनाबारे आफू जानकार रहेको ओलीले बताए।
'प्रधानमन्त्री सुशीला कार्कीजीको मनशाय र वरिष्ठ उपाध्यक्षजी लगायतका मेरा मित्रहरुको चाहना त एउटै छ,' ओलीले भने, 'उहाँको गुट किन जिद्दीमा लागेको हो म बुझ्दिन। त्यो नगरेर पोलिटिक्स गरेको भए राम्रो हुन्थ्यो।'
उनले विरोधीहरूले लखेट्दैमा आफू नसिद्धिने बताए।
'म हावा भरेको भकुण्डो जस्तो हुँ। जति जोडले पछार्यो उति माथि पुग्छु,' ओलीले भने, 'छुद्र ढंगले चल्नु, वैरभाव पूर्ण ढंगले चल्नुले राजनीतिमा स्वस्थता दिँदैन। स्वस्थ ढंगले चल्नु वाञ्छनीय हुन्छ।'
तत्कालीन सरकार प्रमुख भएकाले भदौ २३ र २४ गतेको घटनाबारे आयोगले ओलीसँग बयान लिने तयारी गरेको छ।
यद्यपि उनले आयोगका अध्यक्ष गौरीबहादुर कार्कीको भूमिकाको विषयमा प्रश्न उठेकाले आफू बयान दिन नजाने बताउँदै आएका छन्।
यो पनिः अध्यक्ष ओली जाँचबुझ आयोगमा बयान दिन जानुपर्छ, जानुहुन्छ- ईश्वर पोखरेल
-1763886130.jpeg)
-1746009348.jpg)
