नेपाली कांग्रेसको क्रियाशील सदस्यता नवीकरण मंसिर २९ गते मध्यरातसम्म मात्रै गर्न पाइने भएको छ।
महामन्त्री गगन थापा संयोजक रहेको क्रियाशील सदस्यता व्यवस्थापन समितिको आजको बैठकले मंसिर २९ गते मध्यरात १२ बजेसम्म मात्रै क्रियाशील सदस्यता नवीकरण गर्ने र त्यसपछि गर्न नपाइने निर्णय गरेको हो।
‘क्रियाशील सदस्यता नवीकरणको हकमा मंसिर २९ गते राति १२ बजेपछि सदस्यता प्रविष्ट गर्ने सिष्टम लक गर्ने निर्णय भएको छ,’ सदस्यता व्यवस्थापन समितिका सदस्यसमेत रहेका केन्द्रीय सदस्य प्रकाश रसाइली स्नेहीले सेतोपाटीसँग भने।
नयाँ क्रियाशील सदस्यता वितरण गर्न जिल्ला र क्षेत्रीय कार्यसमितिहरूमा फारम पुगिसकेको र नयाँ क्रियाशील वितरण कार्य उदार ढंगले अघि बढाइएको पनि उनले जानकारी दिए।
क्रियाशील सदस्यता व्यवस्थापन समिति बैठक आइतबार पनि बस्नेछ।
कांग्रेसले पुस २६ देखि २८ गतेसम्म १५ औं महाधिवेशन गर्न लागेको छ।
यो पनि: राष्ट्रिय मान्यता प्राप्त दल छाडेर आएका र सामाजिक काम गर्नेलाई कांग्रेसले सिधै क्रियाशील सदस्यता दिने
-1763886130.jpeg)
-1746009348.jpg)
