नेकपा एमालेको केन्द्रीय कमिटी बैठक काठमाडौंको भृकुटीमण्डपमा बसेको छ।
यो बैठकमा अध्यक्ष केपी शर्मा ओलीले धारणा राखेका छन् भने अहिले पोलिटव्युरो र स्थायी कमिटी तथा केन्द्रीय सदस्यहरूले बोलेका छन्।
अध्यक्ष ओली पक्षका नेताहरूले बैठकमा विधान संशोधनको प्रस्ताव राखेका छन्। अध्यक्ष ओलीले विधान संशोधन प्रस्ताव नराखी उनी पक्षका नेता खिमलाल भट्टराईलगायत नेताहरूले फ्लोरबाट विधान संशोधन प्रस्ताव राख्न थालेका हुन्।
गए राति भएको छलफलमा ओली पक्षका नेताहरूले फ्लोरबाट विधान संशोधन प्रस्ताव राख्ने कुरा गरेको एक नेताको दाबी छ।
कतिपय केन्द्रीय सदस्यहरूले ३०१ वा ३५१ सदस्यीय केन्द्रीय कमिटी बनाउनुपर्ने र स्थायी कमिटीसहित चारै तहको संरचना बनाउनुपर्ने माग गरेका छन्।
११ औं महाधिवेशन सुरू भइसकेको अवस्थामा अध्यक्ष ओलीले १० औं महाधिवेशनबाट आएको केन्द्रीय कमिटी बैठक राखेका हुन्।
यो बैठकमा वरिष्ठ उपाध्यक्ष ईश्वर पोखरेल पक्षका नेताहरूले फ्लोरबाट विधान संशोधन प्रस्ताव आउने हो भने आफूहरूले पनि फरक अवधारणा पेस गर्न पाउनुपर्ने माग राखेका छन्।
केन्द्रीय कमिटी बैठक विवादका कारण केही समय चल्न सक्ने देखिन्छ। आजै १ बजेका लागि बन्द सत्र बोलाइएको छ।
-1763886130.jpeg)
-1746009348.jpg)
