नेकपा एमालेका सचिव गोकर्ण विष्टले विधान संशोधन गर्ने हो भने अध्यक्ष र महासचिव मात्रै राख्न आग्रह गरेका छन्।
भृकुटीमण्डपमा आज बसेको केन्द्रीय कमिटी बैठकमा धारणा राख्दै उनले पद बाँड्न विधान संशोधन गर्न नहुने बताए।
‘विधान संशोधन गर्ने नै हो भने एक अध्यक्ष र एक महासचिव मात्रै रहने गरी संशोधन गरौं, हामी बारीको, कान्लाको पाटोमै बसौंला,’ उनका भनाइ उद्धृत गर्दै एक केन्द्रीय सदस्यले सेतोपाटीसँग भने, ‘हामी दुरदर्शी पनि रहेनछौं, भदौको विधान महाधिवेशनको निर्णय यति छोटो समयमै उल्टायौं।’
उनले पद बाँडेर पार्टीभित्र एकता नहुने भन्दै एकता कायम राख्न सबैलाई जोड्ने भावना चाहिने बताए। ‘अहिले एकता टुटेको अवस्था छ, सबैलाई समेट्ने भावना चाहिन्छ,’ उनले भने।
केन्द्रीय कमिटीले पुरानै विधान ब्युँताउने निर्णय गरिसकेको छ भने बन्द सत्र पनि चलिरहेको छ।
-1763886130.jpeg)
-1746009348.jpg)
